Author -
सहज आणि सोप्या पद्धतीने बनवा होममेड खवा चॉकलेट बर्फी
होममेड चॉकलेट बर्फी ही आपण कमी वेळात व कमी खर्चात घरी बनवु शकतो. ही बर्फी बनवण्यासाठी फक्त ताजा खवा पाहिजे. अगदी मिठाईच्या दुकानात बनवतात तशी बनते. होममेड चॉकलेट बर्फी आपण सणावाराला किंवा दिवाळीच्या फराळासाठी सुद्धा बनवु शकतो.
वाढणी ८ पिसेस
साहित्य :
- २५० ग्राम खवा
- १ कप साखर
- ४ टे स्पून मिल्क पावडर
- २ टे स्पून पिठीसाखर
- २ टे स्पून चॉकलेट सॉस
- १ टी स्पून तूप
कृती :
- खवा किसून घ्या. कढई खवा, चॉकलेट सॉस व साखर घालून ५ मिनिट मंद विस्तवावर आटवत ठेवा. मिश्रण सारखे हालवत रहा नाहीतर खाली लागून बर्फीला करपट वास येईल. मिश्रण आटत आलेकी विस्तव बंद करून मिश्रण ५ मिनिट बाजूला थंड करायला ठेवा. मग त्यामध्ये मिल्क पावडर व पिठीसाखर घालून मिक्स करून घ्या.
- एका स्टेनलेस स्टीलच्या प्लेटला तूप लावून खव्याचे मिश्रण ओतून एक सारखे करून घ्या. मग दोन तास प्लेट झाकून बाजूला ठेवा. मिश्रण थंड झाल्यावर चौकोनी वड्या कापून घ्या.
खवा चॉकलेट बर्फी | chocolate wali burfi recipe in marathi writing